inprimatu
Agur, aiskide!
Izenburua:
Agur, aiskide!
Sinadura:
Garbizu, Joan (Zubigar)
Urkizaren iruzkina:
Egilea(k):
Garbizu, Juan

Argitalpena:
Argia.
Urtea:
1924
Argitalpenaren urtea:
4
Alea:
159.zk.
Orrialdea:
1

Agur, aiskide!

 

Zubigar

 

     Lizarraga'tar Andoni

     eusko jatorra zanari.

 

 Intz ederduna da gaurko goiza

 belarrak diz-diz dagite

 ¡baña biotz au illuna dago,

 naigabetzen dit zerbaitek!

 

 Txoriak alai abes dagite

 lore usaindun tartean

 ¡bai baña alperrik, ez naiz poztutzen,

 itun nago zuaizpean!

 

 Soroak orlei dakust benetan,

 zuaitzak lorez beteta,

 ¡ezin ordea nik gaur oldoztu

 Udaberriko gauzetan!

 

 Guritu ditu Udaberriak

 ote ta larren arantzak

 ¡baña biotzak dasat oraindik

 "zulatzen nau gaur zorrotzak!

 

 Ortze zabala urdin da ageri

 ta itsaso barea polit

 ¡baña ala ere etzait etortzen

 begiratzeko gogorik!

 

 Eguzkiaren argi bikañak

 zuzen-zuzenki jotzen nau

 ¡alaz guztiaz, leiza zuloan

 nagoala dirudi gaur!

 

 Jakindu nuan bart arratzean

 egi bat oso garratza

 nere lagun-oi kalean nola

 gelditu ziñan il-otza.

 

 Zigortu gaitu zoritxar onek

 lengo urtean lez aurten,

 euskaldun onei bizia gaIdu

 txar asko utzirik emen.

 

 Urruzuno ta Karrera jaunak

 zure idazkide lagunak,

 lengo urteko Udaberrian

 eraman zizkigun Jaunak.

 

 Lanik geiena dagon garaian

 gure euskera sendotzeko

 Jaunak eraman zaitu zu ere

 Udaberrian, betiko.

 

 Eztabaida bat izan genduan

 bion artean aspaldi

 baña barkatu Jaungoikoarren

 Lizarraga'tar Andoni.

 

 Langille ona, elizkoia ta

 euskaldun txukun garbia

 izan zera ta Jaunak oraintxe

 emango dizu saria.

 


inprimatu