Udaberria
Gandiaga
Bihotz-bihotzez maite dut lurra.
Magalean naukan ordeka
maite dut;
inguruan jolasean jeikika
lurra,
harrotuz eta apalduz mendi eta troka
eginez;
maite dut
bular eta lepo jostatu nakion
eskaintzen dizkidan
ama.
Bihotz-bihotzez maite dut lurra.
Itsasoz gordeatua dagoela
maite dut;
geografia batean zabalik
lurra
miloika giza-jenderentzat
zoru eta zeru delarik,
lanean gau eta egun
ama.
Bihotz bihotzez maite dut lurra.
Zuhaitz eta loreetan
maite dut,
fruituz eta ogiz datorkigu
lurra;
iturrietako ura eta hibaietako arrainak
eta abere taldeak ernarazten dita guretzat.
Maite dut.