Nork errua
Gandiaga, B.
Motozerrak, rra, rra,
burnizko urruma
urruka dariola,
katamotzak baiņo
anima motzagoz,
-anima geiagoa
gasolina baiņo
gizona duelakoz-,
eltzen dio aritzari
erpez eta agoz,
eltzen dio ta aritzak,
bata besteren ondoren
gorpu zurrun datoz.
Baiņa aritzak ditu
motozerrak baiņo
eun erru geiagoz
bere burua zaitzen
ikasi ez dulakoz.
Telebista degu motozerra,
eguneroko prensa ta zinema
ta radioa ere motozerra,
eta, eta...
Aritzak bezela
euskaldunak, eta
ariztiak bezela
euskal herriak,
motozerrak, rra, rra,
burnizko urruma
urruka dariola,
Herri euskalduna
ebaki darama.
Baiņa motozerra
ez da erru guztia
bere gain duana.
|