inprimatu
Aste santua
Izenburua:
Aste santua
Sinadura:
Gandiaga, Bitoriano
Urkizaren iruzkina:
Egilea(k):
Gandiaga, Bitoriano

Argitalpena:
Zeruko Argia.
Urtea:
1965
Argitalpenaren urtea:
28
Alea:
111.zk.
Orrialdea:
1

 

 

 

 

faksimilea ikusteko


Aste Santua

 

Gandiaga

 

 Aren Gurutzeko Egintzari igesik

 ezin neikiolako:

 Aren Egintza neugan

 gertatu zalako, gertatuz doalako.

 Ez bai zan il, ez bai doa iltera,

 neugaitik baiņo:

 Aren egintzari zordun naiako.

 Ba-neikio zor au Ari ukatu,

 ba-neiteke otz gelditu;

 Aren Egintza artatik

 ardurea aldendu.

 Baiņa gertatu danik, doanik,

 ezin neike desegin:

 Aren odola nire gainera ixuri zan

 -ixuri doa, jatort-,

 Berberak nire gain

 daroalako ixuri Egintza artatik zear.

 Odol aura gainean

 nai-ta-ez daukat,

 nai-ta-ez daukat artaz

 erantzun bear bat.

 Erantzun daioket gorrotoz:

 zergaitik naastu nau,

 ninduan, naroa, Eriotz orretan?

 Baiņa neu naastu nintzan

 Aren Eriotzean

 sortzekoa nintzanetik.

 Ordurakoxe neugan Arekiko errua,

 orduxetik daukat Eriotz ortaz zorrik:

 Nire pekatuak beartu eban, daroe, ortara

 Aren maitasuna.

 Maitasunaren lojikak zer legeak ditu?

 Biotza neutsan zulatu

 neure erru arekin,

 neure erru edozeinekin,

 ta, berez ta bearrez,

 maitasunaren legez,

 busti nindun odolez,

 busti naroa, nauka,

 erantzun baten galdez,

 Aren Eriotzan naastu nintzan

 naastuta nagoanetik.

 


inprimatu