Mendi-gaņa
Lizardi
Maite ditut galurak,
argiak ez beste...
Ai, egaztia ba'nintz
gaņik-gain nebilke!
Oi, udaberri-goizez
mendiaren galurra!...
Oi, aren ametsezko
zorakortasuna!...
Zein ezkutuzko indarrez,
zein atseden-egarriz,
zein gorago-yoranez
narakark igana?...
Egiz, matagarriak
dituk ire besoetan?...
Egiz duk arnaski bat
ezikortzen duna?
Egiz, eguzkiaren
lendabiziko muņaz
sortzen duk zorunaren
lore ezezaguna?...
Nik amestan bezala,
ote-aiz, mendi-gaņa?
Goi-yauregiko mala?
Gotzonen urbilgo?...
Egiz, Yaungoikoaren
esku ta aunditasuna
ote dituk or goitik
sumaezen bertago?...
Ire goi urdiņaren
arre laņotsupean
beko txikerkerion
azkala ba'legok,
arren, aiskide arruna
otoi, mendi maitea,
negar-aran beltz oni
kendu nazakiok!
...............
Maite ditut galurrak
argiak ez beste...
Ai, egaztia ba'nintz,
gaņik-gain nenbilke.
|