Maiteder. Aselia

Samaiko-Zulo (Lizardi)

 Maiteder,

 Maiteder!

 A zan eguzkiya!

 A zan ederrenetan ederra!

 Izar nagusiya...

 Iñularraz aurrena agertzen dana lakua!

 Etzinan,

 Maiteder,

 euzko-neskatillik

 eder-bakalduntza lapurtuko!

 Euzkadi'ko izanik

 ederrena, berriz, bai-intzanan ludi guziko...

 Etzinan,

 Aitzarre'k

 Lotazila'n biltzen

 ire arpegiyaren elurra...

 Eztin erakusten

 eguzkiyak, goizian, ire illien urria...

 Ortziak

 bekaitzik

 izan al-ba liken,

 etzinan bere urdiña agertuko,

 ez aitortziarren

 ire begiyena zala gustiz ederrago...

 Oyanan

 txoriyen

 txiru-lia baño

 ire marrubizko ezpañetan

 zoragarriyago

 euzkerazko mintzaketa bigunak itunan...

 ***

 Auxe zan

 Maiteder,

 Iñoiz, irakurle,

 Aitzarre-mendiyan bidekari,

 ekaitzaren menbe

 arki ba-dek ire buruba, auzotik urruti:

 ta ikazkin-

 -txabolan,

 (zato mardulari,

 azaleko buztiya aztu-nayan,

 zurrut bat... ala bi

 kenduta) abitu ba-atzayok ari berriketan,

 naparren

 izkera

 garden-eresdunaz,

 Maiteder'en asele mingatza

 entzunik aiz, aujaz,

 atako euri-ots naigabetsubaz nastuta...

 ***

 Maiteder

 bizi zan

 antzin-antziñian

 guztiz zoriyontsuba zalarik,

 bere biyotzian

 ezpai-zeukan Maiteder'ek maitasun-kezkarik.

 Beñola

 mutil bi,

 Urden eta Garden,

 egun bai ama bateko señak,

 neska zerdenaren

 ederrak biyurtu zitun bere maitaliak...

 Anayok

 alkarri

 ixildu ziyoten

 biyotzeko berri, maitasunez...

 Neskak bai-zekiyen...

 ¡Emekirik sortarazi dun suba igerri ez!

 Maitasun-

 -zalantza!

 Maitakari biyak

 berdinian ziran maitagarri...

 Ezin ba biyotzak

 maitasun-anziyau zuzenbidez erabaki...

 "Berama

 zoriyak...!"

 Ta aitz goren batetik

 zabalari buruba damayo,

 oyubau jaurtirik:

 "Artuko nabanak izango nau beretzako!"

 Besuak

 zabalik,

 maitale bizkiyak

 basauntzaren ariñak daramaz...

 Une lazkarriyak!

 Zeñek eutsiko-ote erorki kutuna, laztanaz...?

 Maiteder

 Aize zabalian

 ujauzi biyur da. Bizkiyak aitz

 aitz nagusipian...!

 Maitetasun-azken gorri...! Zori errukigaitz!

 Betiko

 negarka

 diran Maiteder'ek

 Bidazkari, bere zillarrezko

 negarra ikusi dek,

 erruz jariyoten bizkiyai mun-egiteko...?

 Ta anayok

 (maiteki, goldiyo biyurtu

 zitzayoten amak laztanduta)

 urrundik begiztu

 dituk, maitiaren negarra artzen asetzeka...?

 Besuak

 zabalik,

 belaunikatuta,

 dirauz beti; ta artzayak diyote

 oraindik dutela

 maiterik Maiteder, alkar gorrotatu gabe.