inprimatu
Amama
Izenburua:
Amama
Sinadura:
Gallastegi, Kauldi
Urkizaren iruzkina:
Egilea(k):
Gallastegi, Klaudio

Argitalpena:
Zeruko Argia.
Urtea:
1969
Argitalpenaren urtea:
Alea:
311.zk.
Orrialdea:
11

 

 

 

 

faksimilea ikusteko


Ama il yat

 

Gallastegi, Klaudio

 

 Negar dagie nire begiak,

 negar garratz ta zintzoa,

 oroan ein daust eriotzeak

 ama maite ta goxoa.

 

 Urutizkiñak tirrin egin dau

 nire lan-ola barruan,

 berak ba diñost, abots ta zotin,

 «zure ama da il zorian».

 

 Arin arinka bultzira noa

 neure ama ikustera,

 bultzia tximist-arinka doa

 geldi niretzat, ostera.

 

 Zelai, mendiak, politak dira,

 garbi garbiak errekak,

 baña ezin nik eurai begira

 baketu biotz taupadak.

 

 Eldu nintzan ba laster etxera

 atarte ondoan danak

 esaten eusten larri ta ikara,

 negarrez euren begiak.

 

 «Gure amatxu on ta kutunak

 betiko itxi dauz begiak,

 gutzat izan dan ama bigunak

 itxi dauz ezpan maitiak».

 

 Biotza samin, gogoa min min,

 eta belaunak dardara

 sartu nintzan ni arin bai arin

 ama illaren gelara.

 

 Ama!, nirautsan, amatxo maite!,

 il zarena ez egia,

 zure semeak «itzartu zaite»

 diñotzu ama maitia.

 

 Eta gaixoak bere begiak

 zabalduten dauz arinka,

 irribarreka ezpan argiak,

 bere biotza zotinka.

 

 Banoa, seme, zeruetara

 diñost bein eta birritan,

 neure semetxo, jaupari zara,

 onetsi naizu une ontan.

 

 Biotz biotzez parkatu neutsan

 gure Jaunaren ordean

 eta orduan il zan benetan

 irribarrezka, pakean.

 

 Esan zeinkian nire bularrak

 biotza galdu ebala,

 dana zan miña, dana negarra,

 ama laztana il zala.

 

 Udabarriak iges egin dau,

 bizi gurarik ez dot nik,

 gure bizitza ama dalako,

 bizi onetan, sortzetik.

 

 Egun artatik gau guztietan

 izaten dot nik ames bat:

 neure amagaz nagola izketan

 baiña il da ta, loan yat.

 

 Negar dagie nire begiak,

 negar garratz ta zintzoa,

 eriotzeak eroan daust ta,

 ama maite ta goxoa.

 


inprimatu