Mundu biribilla
Gaiztoa
Paris'ko billera
Batzuk burrukan alkar itotzen
besteak berriz izketan,
bitarte ortan Biet Nam aldea
izango degu kezketan.
Iņork ez du nai aurren pausua
ematerikan benetan...
Iņoizko batez izango al dira
pakean mundu onetan?
***
Euskera galerazi
Mundu guztia saiatutzen da
euskerari lagundutzen,
ta gure artean beste batzuek
saiatzen dira galdutzen.
Ez dute ikusten aurrak zirala
nola zuten entenditzen,
eman magalen zirala oiek
euskera zuten gozatzen.
Ta gaurko egunez gure umeai
galdu nairik alegintzen?
***
Sexu aldaketa
Egia izan edo gezurra
ezin sinistua det nik,
zeņek pentsatu olakorikan
ikusi bear gendunik;
baņan ala're ez da au izango
danetan gauza aundiņik
mundu guztiko jakintsu danak
lanean gogor izanik.
***
Kritika
Pozgarria da ŦGaiztoa'rentzatŧ
zuen idazki zorrotza
ta orregatikan alaitutzen dit
benetan nere biotza.
Indar berrituz jarraitutzeko
nere lan kaxkar ta motza,
alde batera baztertuz beti
neronek daukadan lotza.
***
Frantziako elezioak
De Gaulle jaunak oraingo ontan
errez ditu zapustuak,
aurka ziran era askotako
talde aundi ta indartsuak.
Frantzitar oiek ikusi dute
burrukak ditun pausuak
ta orregatikan lengo erara
eldu diote postuak.
***
Geiegitxo edaten dutenak
Griņa gaiztoak jabeturikan
gizona degu galdua,
griņa oientzat bezterik ez du
bere buruan lekua.
Erori arren, berealaxen
gizonak gora burua,
baņan neskatxa bakardadean
bizi guztian gajua.
