Mundu biribilla
Gaiztoa
Alabatxoak erderaz
Gaztetxo maite saiatu zaite
Gure izkuntza maitatzen,
Orrela ez bada belaxe gera
Besten antzera gu jartzen.
Mundu guztian euskera gatik
Bagaituzte ezagutzen,
Orri laga ta asiko zaigu
Euskal erria galdutzen.
***
Etxebizitzak
Egun batean lokarri batez
Bai egiņikan biziak
Alkar maitale bizi nairikan
Dituzten poz ta nekiak
Beren kabitzat etxe baten zai
Dirade ezkongaiak,
Ta nai dutenikan ez dutelako
Negarti askotan begiak.
***
Gazteentzat zerbait antolatu
Erri askotan gertatu oi da
Negu bezela udara,
Orregatikan gure gazteak
Igesi dira kanpora.
Gauza berriak billa nairikan
Berandu etorriz errira,
Zerbait aldatuz oiek guztiak
Bertan ginduzke gustora.
***
USA'ko lendakaritzako
Lendakaritza lan gogorra da
Munduko toki danetan,
Ta batez ere Ameriketak
Ditun lur aundi oietan.
Oso aurrera sartua bai da
Ori gauza guztietan,
Oiek guztiak ondo ematen
Ez da erreza askotan.
***
Ikasleak burrukan
Munduan zear ikasle danak
Gogor dirade burrukan;
Toki danetan saiatu arren
Indarrez ta gogotikan,
Nairikan kendu iritxi oiek
Gazte oien burutikan,
Baņan ala're gogor dirade
Danak alkar arturikan.
***
Ateraldi bat
Aldan geienen saiatu zaitez
Gauzak parrez igortzitzen
Onela bai da ludi onetan
Gure bizia alaitzen;
Ta ingurun diran gure lagunak
Guk bai ditugu poztutzen,
Naiz da izan gure barrua
Aldi askotan kiskaltzen.
