Mundu biribilla

Gaiztoa

 "Aspirina"

 Danen artean sendagai onek

 Oraindik badu indarra,

 Mundu onetan askotan degu

 Pastilla onen bearra;

 Miñez izanik buru, belarri

 Ta batzuetan bizkarra

 Egiten digu askotan beintzat

 Orrek mesede gogorra.

 ***

 "Fagor'eko" txirrindulariak

 Naiz da esan urte onetan

 «Fagor'ek» dula indarra

 Euskaldun auek erbeste-aldean

 Jira egin dute kaxkarra.

 Olako jirak irabazteko

 Uriona zan jatorra,

 Ura iltzean Euskal-erriak

 Artu zun pena gogorra.

 ***

 Autoen gorakada

 Euskal-errien geientsuenak

 Dituzte oraintxen autoak,

 Alde batera utziaz danak

 Leno zituzten motoak;

 Auen ondoan izanik aiek

 Askoz geiago gastoak...

 Oraindiokan ez du erosi

 Zure lagun dan « Gaiztoa'k».

 ***

 Biotz berria

 Toki batzutan bonbak asmatzen

 Burrukarako prestatzen,

 Egiñalean saiaturikan

 Danoi bizia moztutzen;

 Bañan ala're gure artean

 Batzuk dirade saiatzen

 Beren ingurun dituzten danak

 Biotz-biotzez maitatzen,

 Dutena emanaz, alegiñean

 Miñez diranak sendatzen.

 ***

 USA'ko lendakaritza

 Garai auetan geientsuenak

 Nai dute errien laguntza,

 Ori gabean izango bai da

 Bide ori oso latza.

 Mundu onetan Ameriketa

 Izanikan aberatsa

 Aspaldi ontan berekin bai du

 Naigabe edo gaixotza,

 Saiatu bedi aukeratutzen

 On izan dezan bizitza.

 ***

 Spencer Tracy

 Mundu onetan gizon bezela

 Saiatzen bada portatzen

 Gure atzetik aldegin arren

 Zalla izaten da aztutzen.

 Beste munduan zorionean

 Badago ura gozatzen,

 Guztiok degu saia bearra

 Arentxen lanak saritzen.

 ***

 "Xagua" deitzen dioten gizona

 Xagu txikiak beren atzetik

 Beti dituzte katuak

 Bañan ala're geienen beintzat

 Ez dira iltzen gosiak.

 Ala ta guztiz sai ditezke

 Nolanai saitzen pausuak

 Uste gabean bestela oiek

 Itoko ditu tranpiak.