Mundu biribilla
Gaiztoa
Aurten ez da Pasio antzerkirik
Zorioneko erri maitea
Ezazu beintzat lo artu,
Aurtengo ez bada urrengorako
Benetan zaite indartu!
Zure lan ori ikusi dunak
Zu beti zaitu goratu,
Ta ikusi ez dunak nai baluteke
Zure indarrak neurtu,
Lengo urtean ikusi zuan
Tolosa erriai galdetu.
***
Ostikolarien txapelketa
Hernani eta Tolosa ez baņa
Besteak ditut ikusi,
Ta azken burrukara dudarik gabe
Ez dira izango igesi.
Txalotutzean lau talde auek
Danontzat da zer ikasi
Ta azkenean izan dedilla
Beti onena nagusi.
***
Rohdesia eta Inglaterra arteko istilluak
Nora goaz bide ontatik?
Mundu ontako guztioi, Jaunak
Eman zigun agindua
Azken aparin arkitzen zala
Bere lagunez bildua:
"Maite zazute nik bezelaxe
Dezuten lagun urkua".
Baņan ala're ordu ezkeroz
Agindu au da galdua.
***
"Boxeoa"
Diru pixkabat gordetzen badu
Bizi leike lasai asko,
Begiraturik diru orreri
Ez bakarrikan gaurko.
Burruka auek bukatutzean
Ondo bizi izateko,
Bestela ori Klai bezelaxe
Egingo zaigu galduko.
***
Peria
Asmo guztiak peri onetan
jarritako lantegiak
Iruditzen zait triste dirala
Etxe-aldera etorriak,
Geienak beintzat bete gaberik
Dituztelako naiak;
Zoritxarrean geientsuenak
Dira diruan goziak,
An jende asko izanagatik
Bakarrik bete begiak.
***
Mejiko'ko "Olimpiadak"
Nazio batzuk danen gaņetik
Dute beti politika,
Orregatikan mundu onetan
Sortzen zaigula burruka;
Gauz guztietan izanik danok
Ikusi eziņa gaņezka,
Ta "Olimpiada" oraingo ontan
Ikusten da gain-beraka.
***
Agurra
Udaberrian sarrera ontan
Loretzen dira zugaitzak,
Mendi ta zelai zoragarriak
Alaiturikan biotzak.
Euskal-erria poztua bai du
Udaberrien jaiotzak!
Zorioneko izan zatela
Bai zuri eta bai beltzak.
