Mundu biribilla
Gaiztoa
Sasoiko droga berria
Zarrak ezetzik, gazteak ere
Saiako dira au artzen
Esan bezela artzen dutenak
Baditu orrek indartzen.
Ori artu ta aziko zaigu
Gure barrua poztutzen,
Jarraituz ola gure gorputza
Dana zikiņez betetzen
Uste gabean asiko zaigu
Gure bizia itotzen.
***
Lana gain bera doa
Lanik gabean itotzen zaigu
Gure artean gizona;
Zer esanik ez izan ezkeroz
Pamili Aundi ta astuna.
Aspaldi ontan larrian dabil
Lanetik bizi bear duna;
Gerria estutu, sakela utsik
Naiz leno izan jatuna
***
Japon indartzen
Oraindik ere Ameriketak
Jarraitzen bai du lenena
Rusia izanik bere ondoren
Kontrariorik txarrena,
Baņan ondoren agertua da
Nazio indar duada,
Japon erria gogor ari da
Izan nairikan aurrena.
***
"Basarri" saridun
Basarri, Mattin, Xalbador eta
Arozamena, Lasarte,
Lopategi ta Uztapide're
Mitxelena'kin batute,
Onak izanik jarraitu zuten
Oiek danak azken arte;
Lazkano, Agirre eta Lizaso
Gelditurikan aparte.
Aurrenengoen artean zuek
Tokirik ez aldezute?
***
"Pildora"
Gaztetasunak berekin duan
Indarra ezin zuzendu,
"Pildora" orrek egiten ditu
Lizunkeriak ugeldu.
Izkutun diran pekatuk ere
Egiten ditu zapaldu...
Egun batean Jaun zerukoai
Egian bearko azaldu
***
"Fagor" txirrindulari taldea
Sasoiko gazte asko dirade
Izen aundia dutenakin,
"Fagor" taldea agertzen zaigu
Indar berrituakin:
Gabika, Otaņo, Velez, Momeņe,
Ocaņa, Galera'rekin,
Txomin "Peru" ta Mendiburu're
Beste gazte askorekin...
Matxain jaunak egingo ditu
Izugarriak auekin!
***
Vietnam'go burruka
Goliat eta Dabid bezela
Burrukan dira gogotik
Bitarte ortan erri guztia
Mapustuaz sustraitik,
Aundi izanik eldu ezin da
Txiki danari lepotik,
Bere txikian bai du indarra
Aurretik edo atzetik...
Gure Egillea penaz da izango
Ikusirikan zerutik!
***
Agurra
Alegiņean saiatutzen naiz
Asmatzen nere bertsoak,
Naiz da batzutan ez erten auek
Neure gogo onekoak
Gustau baizu orain artean
Egin ditudan lantxoak,
Pozez beterik agurtzen zaitu
Zure lagun dan "Gaiztoa'k".