Mundu biribilla
Gaiztoa
Koperatiba
Irabazia asko nai degu
Urtearen bukaeran
Prezioak ere beste dendako
Itxuraz edo gain-beran,
Oiek guztiak zalla izanik
Begi zagun beste eran
Bai ote geran gure barruan
Batere sozio tankeran.
***
Gosaltzeko naranja ura
Indar aundia badu naranjak
Kalterik ez digu egingo
Goizean-goiz esnean ordez
Bagenduke guk edango;
Berialaxe jakingo degu
Bietan zein dan onago
Lan gogorrean jardun ezkero
Zenbat eta lenuago.
***
Autoak ugaritu
Asmatu ezin ibiltzen!
Urte buruan askoz geiago
Oiek ai dira ugaltzen!
Azi bearko deu mendi-aldera
Igesi edo aldetzen...
Gure erriak asi ditezke
Bideak bestela ontzen!
***
UHF
Emengo gauz bat azaldu eta
Geienak ez degu ikusi,
On izango zan guztiontzako
Iztueta'n berri ikasi;
Baņan oraindik egiten digu
Programa orrek igesi...
Lenbaitlen zerbait egite ez bada
Bela egingo degu etsi.
***
Fidel Castro
Mundu guztia astoratuta
Dabillen une onetan
Lendakarien esku zorrotza
Ikusi oi da benetan,
Saiaturikan dituzten gauzak
Saldutzen neurri onetan
Erri guztia erori ez dedin
Izugarrizko kaltetan.
***
Arabe ta judioak
Tiroka gogor saiatzen dira
Lendabiziko goizetik
Jarraituz gero gorroto biziz
Bide orretan gabetik,
Alde batetik Moises Dayan
Nasser da berriz bestetik
Oien ingurun beste asko're
Lanean dira atzetik.
***
"Surveyor 7"
Andik onera etortzeko're
Bear baldin bada indarra,
Proba-arriak aundia izanik
Emango du an ondarra;
Baņan gain-bera asi ezkeroz
Izango da gauz zatarra,
Lurra jotzean billatuko du
Lur-pean dagon zatorra!
***
Agurra
Agurtzen zaitu biotz-biotzez
Idaz-lan au egin dunak
Barkatutzeko eskaturikan
Nere oraingo esanak,
Jarraitu nairik urrengo arte
Orain bezela lagunak.
Alkar arturik izan gaitezen
Benetako euskaldunak!
