Mundu biribilla
Gaiztoa
Ume eskola gabeak
Oinbeste ume eskola gabe
Ba dira gure artean
Saia gaitezen bat egiņikan
Orain guztiok lanean,
Izan ditezen gizon askarrak
Gu emendikan joatean
Guk nai bezela izan dezagun
Erria bide onean,
Danon indarrak bildurikan guk
Jarri ditzagun bidean.
***
Lengo urteko gertakizunik aundienak
Mundu guztia astoratuta
Burrukan dabil gogotik
Toki guztitan nor geiagoka
Bonbak dirala nunaitik,
Biotz barruan ez ote degu
Guk batere maitasunik...
Jaun maite ona bidali zazu
Zure pakea zerutik!
***
Lan gutxi
Lana ordaintzen orain artean
zalla izan da benetan
Ordu askoan jardun ondoren
Gutxi izaten askotan,
Ala ta guztiz lana daukana
Ez dago orain kezketan
Orduak gutxi bai dira orain
Bakiņa bat lantegitan,
Peseta usko ez dira izaten
Asteroko sarietan.
***
Biotz aldaketa
Modu askotan jakiņak gera
Washkansky jauna il dala
Amasei egun egin da gero
Besten biotza duala,
Esan dutenez egingo zitun
Egun gutxio bestela
Bere bizia larrian bai zan
Leno zegoen bezela.
***
Bokseo txapelketa
Berai begira danak jartzeko
Beti asmatzen dabiltza
Lagun urkoa zapuztutzeko
Egiten zuan otoitza,
Baņan beste bat jotzeko beintzat
Izango zan otoitz otza,
Ezin diteke muturrean jo
Ta lasai izan biotza,
Onelakoak ikusitzean
Bene-benetan det lotsa.
***
Agurra
Urte luzea pasa ondoren
Beste bat degu gaztea,
Jaun zerukoak lagundurikan
Asia degu urtea;
Asieratik on ez da izango
Nunai jarri ta lo egotea...
"Gaiztoa'k" danoi opa dizute
Pake ta osasun betea.