Antigua'ko baseliza edo ermita
Gabiria, Luzio
I
Gau eta egun gauza ederren
eske ta billa gabiltza
etxekon ordez kanpokoari
emanaz txalo ta aintza
ta guk bertan eduki
eder ta egoki.
berezaz gaitezen mintza
bear dan mallan jarri dezagun
Antigua'ko baseliza.
2
Gizon paqintsu buru argiak
zu lenengoz ikustean,
auxen diote; bertan ez degu
eta gutxi erbestean
azal, barru ta gaņa
guztira da bikaņa,
gero beraka jaistean
itzultzen dira danen erregiņ
zu zeralako ustean.
3
Gurutze baten itzalarekin
alguan dauka Beloki
bien artean alderdi ori
apaiņtzen dute egoki
eskerrak ematea
zure erri maitea
or igoko zaitzu aurki
zuretzat baņa naitasun geigo
ez leikelako eduki.
4
Fede beroaz jantzita zeuden
gure lengo gurasoak
ermita ederrez bete zituzten
gure mendi ta basoak.
Antigua'ri begira
zenbat geratzen dira
zabalik begi besoak
Euskal-ermitan buru aitortuz
gaur-egun mundu osoak.
5
Gure ama'ren babes ederra
erri guztia zaintzeko
Gipuzkoa'ko ederrena da
nun da beste bat gaintzeko?
aundia ta zabala
ezin ukatu dala
ezer ez dauka kentzeko
garai batean jaso bai zuten
Katedral baten antzeko.
6
Gogor ta sendo irauten dute
orma, tellatu ta abe,
millaka urtean orla jarraitu
guztiontzat degu obe.
Ama ona eskertu
Bera or dago gertu.
Zumarra guztian jabe
Eliz maitea zu egon zaitez.
beņere erori gabe.