Maitasuna

Gabilondo, A.

 1

 Zor diot eta, maitasunari

 jarri nai diot bertsuak,

 bereren bidez sortua banaiz

 ni mundura gurasoak;

 maite ninduan batek eragin

 zidan lenengo pausuak,

 gozotasunez berdin gabeak

 dirade horren besuak.

 2

 Da egiazko maitetasuna

 nik azaldu nai nukena,

 jakiñagaitik behar bezela

 egin ezin nezakena,

 diru gorroto ta harrokeriak

 sarri zapaltzen duena

 ta ondo izateko bera naikoa

 horrek ematen dit pena.

 3

 Maitasun gabe izatekotan

 gizona sortzen da aula,

 zentzun dun batek ezin ukatu

 derrior behar degula;

 arnasa dedan artean neri

 etzait aztuko sekula,

 nik ezagutzen ez zindudala

 zuk zerbitzen ninduzula.

 4

 Berdin gabeko maitetasuna

 nik darabilzkit buruan,

 naigabe danak aztutzen din

 hau sentitzen den orduan;

 ez jakin betek ez du neurtzerik

 berak zenbat on ein duan,

 gizonagandik Jaunak berentzat

 hau bera eskatu zuan.

 5

 Haurra altzuan dun ama bati

 jarri zaitezte begira,

 hain maite duan haura konpontzen

 konturau gabe hari da;

 batean muxu ematen dio,

 bestean lepotik jira,

 maitasunaren atal garbi bat

 anai arrebak hori da

 6

 Benetan maite dan gurasoak

 haurtxo bat datorrenian,

 zer atsegiña sentitzen duten

 bihotzaren barrenian;

 ezin ulertu maitetasunik

 sentitzen ez dan tokian

 iai maitasuna zure doaiak

 zein zoragarriak dian.

 7

 Maitasun horren azia aurrak

 darama bere barruan,

 ta ingurukoak zoratzen ditu

 ernetzen dagon orduan;

 parre gozoaz aitortzen du

 bera zeiñek maite duan,

 eta ordaina eman nai dio

 zorra baleuka moduan.

 8

 Haurrak hazitzen diran orduan

 mutil da neska egiten

 maitasunaren beste atal bat

 dute barruan sentitzen;

 beharrezkoa nola dan hori

 ez lotsatu azaldutzen,

 baina gaztetxo ez zazu utzi

 lokatza artean zikintzen.

 9

 Badaki, ez dezula nai entzun

 zuek gu zaharron dearrik,

 alare ez det nik nai ikusi

 zuen tartean begarrik

 erabiltzen baldin badezu

 maitasun fiña ez dezutela

 sinistu gero ez dezutela

 diburziuan beharrik.

 10

 Gaur mingain askok honela dio

 maite dezagun herria,

 eta badauka maitetasunik

 honetara bere tokia;

 bihotz barrutik maitatu eta

 zaindu bakoitzak beria.

 baina hortarako ez dedukagu

 zertan zapaldu bestia.

 11

 Maitasunean ez eman inoiz

 gorrotuari lekurik,

 hoiek ez dago inolaz era

 behar bezela lotzerik;

 herrion bizi den urkoaren

 pentsakera neurtu barik,

 agintzen duan agintariak

 ez du maitatzen herririk.

 12

 Bere ustetan egia dio

 gauza hau idatzi dunak

 gauza guztiak konpondu leizke

 egiazko maitasunak;

 inori gaitzik ez dio egitan

 hain ditu ego bigunak,

 harmarik gabe igaro leizke

 mundu hontako egunak.