Gure euskera maitea

 1

 Euskaldun jaio nintzan, euskaldun azi,

 euskera utsik amak zidan erakutsi;

 euskera laztan maite, zabiltz nigaz beti,

 euskera il ezkero, ez det nik nai bizi.

 2

 Ba-dira gure errian gauz bikaiñik asko,

 zeru ederra goian, mendik orriz oro,

 eskui bira ezkero, or urdin itxaso,

 baña oien gañetik, geure euskera dago.

 3

 Izarretan ostera, euzkia nagusi,

 gure gauzetan ere, nork ukatu guri?

 aurretikoen izkuntz maite izango beti.

 ¨Nun aurkitu izkuatzik berau beziñ ezti?

 4

 Gozoa dalarik-da, guztizko zintzoa,

 izkera guztietan, lendabizikoa;

 bere egille dala gure Jaungoikua,

 argatik da euskera birau gabekoa.

 5

 Nagusi eta buru dala egiazki,

 egin izan diote, ixekarik aski;

 erabilli ere bai, etsaiak, txit gaizki,

 bañan orain guztiak azpian daukazki.

 6

 Naiz joan batera, ta naiz joan bestera,

 nun nai aurkitzen da, argiro euskera,

 eman biar diogu, zor zaion eskerra,

 bestela, gu beraren semeak ez gera.

 7

 Euskera piztea da, erdaldunen miña,

 ez dakit nundik duten orrelako griña;

 mundu guztian dago, sustraiak egiña,

 itz egiten zalako bera, txit antziña.