Agur nere herriari
1
Urrundik ikhusten dut, ikhusten mendia,
Zeinaren gibelean baitut nik herria;
Jadanik dut aditzen (zorion handia!)
Ezkila maitearen hasperen eztu,
2
Ezkila, zer othe duk hik egun erraten?
Urrunera zer berri othe duk igortzen?
Mendiek hedoipetik dautek ihardesten
Hik errana zerura ditek helarazten.
3
Lanadako langilea, artzain mendikoa,
Ithurriko bidean dohat neskatoa,
Aditurik, ezkila hire boz laņoa.
Othoizten hasi dituh ama zerukoa,
4
Nik eredut othoizten Birjina Maria,
Basherrietan galdu haurren gidaria;
Neretzat othoi dezan ardiets grazia
Bakean kautsitzeko nik egun herria.
5
Mendiak utzi ditut urrun gibelean
Herria dut ikhusten jadanik aldean
Zer duk, ene bihotza, saltoka barnean?
Othe duk huts-eginen herrira beltzean?
6
Ahur, agur, herria! agur sor-lekhua!
Agur, nere haurreko lekhu maitatua!
Jainkoak aditurik haur baten oihua,
Hire gana duk haur bat egun hurbildua.
7
Mendien hegitik hartuz zeiherrera,
Iduri chingola bat, aldapa behera.
Bidechka, hi chuchen hain jausten zelaiera;
Chuchen ereman nezak ahaiden artera.
8
Bide hegiko haitza, zembatez haurrean.
Igandetan mezatik etchera sartzean,
Zembatez ez nauk jarri, amaren aldean,
Hire adar lodiek egin itzalean!
9
Baratze gibeleko elhorri churia.
Bethi duk begiratzen haurreko tokia.
Hik bezala zertako, aldaska garbia.
Ez dut nik sor-lekhuan higatzen bizia
10
Bainan nere begitik nigar bat da jausten;
Bozkarioak darot bihotza gainditzen
Etchekoen boza dut jadanik aditzen
Jainkoa, darozkitzut eskerrak bihurtzen!