Gudaritzari buruz
Mila bederatzirehun hirurogei ta
hamazazpiko urtian
Hementxe gaude oso urruti
Kasereseko partian.
Garbi esanda guretzat hain den
hain paraje arlotian
berriro zoriona izango da
gure Euzkadira joatien.
Bertso batzu bidali nahi ditut
gudaritza gai hartuta
ixilik ezin daiteke egos
txerritegi hontan sartuta.
Orain sasien bizi gerade
paradisuan sortuta
hutsa da gure gustoz bageude
baina gaude behartuta.
Pasadu anai ez dago bate
gauza hau esan beharrikan
hemen gauden denbora hontan
gabiltzela alferrikan.
Salduta gaude ta ekarri ginuzen
honuntza beharturikan,
gustora ez negon jokuan ez det
aurkitzen zorionikan.
Aspalditxoan hainbeste egun
triste ditugu pasiak
gutxitan gabiltz ondo janda ta
gehientsuneten gosiak.
Orain esango ditut nolakok
diren janari klasiak
txorixo erdi ustelak ata
patatak gaizki egosiak.
Oso goguan hartu izan dut
lehengoan honek esana
gai honi buruz mintza zitzaigun
lehengo baten kapitana:
Mugaz haruntza bidaliko zula
espainol senti etzana
esan gabean gelditu nintzen
gustora esango niona.
Sineste ote zunn han bazegola
espainol sentitze etzanik
amorru biziz ni egon nintzen
egia garbi esanik.
Esaten nuen hemen ez zegok
gizatesun ta gizonik
ni espainola nola juzgatu
hain euskalduna izanik.
Penagarria hau da beneten
gogoz kontra egotea
galerazi dago gainera
gauzak garbi esatea.
Ia bagoaz trapu zahar honi
laister jusku egitea
gonbitaurea ia ematen dit
horri muxu ematea.
Dena ez al da izango behintzat
egiten dena kalterako
zerbait bentaja uste det honek
beduela gerorako.
Gudari batzu egingo gara
hemendik kalterako
goardi polizik erue egon leizke
gu goezenerako.
Urruti gaude boina iritxi de
guganaino albistia
bota dutela bota behertzen
ala moduzko piztia.
Batzuentzako ohi izango zan
hemen notizi tristia,
nahiago nuke holako pistik
danak eroriko balira.
Gai hontaz ia bukatzeako
hemen pena ematen dik
gehiago ere beste egun baten
bialikoizkian oraindik.
Nere gorputza hemen egon erren
pentsaera beti hor dik
Euzkadi osoai besarkada bat
bidaltzen dizut hemendik.
