Guadalupeko peregrinazioko donzelleen kantak

 Euskarichoa.

 Ama Ebaren umeak, gera

 Jatorriz eta izatez,

 Gaurtik aurrera Mariarenak,

 Onen graziaren bitartez.

 Donzellai  deya.

 Garbitasuna nai badezute

 Zuen gorputz t'animetan

 Atozte, atozte garbitutzera

 Guadalupeko uretan:

 Maria beti izandedilla

 Laguntza zuen lanetan,

 Pozkidatuko gaitu segurki

 Gure pena guztietan.

 Donzellen eranzuera.

 Jainko aundiak agindu dio

 Rafael Aingeruari,

 Bere eskutikan ezgaitzala gu

 Erortzen sekula utzi.

 Santu eder au degun ezkero

 Lagundutzeko gidari,

 Ekiñ diogun mendia gora

 Jaizkibelgo bideari.

 Goazen pozkiro konfiantzakin.

 Guadalupeko amagana,

 Zeña baitago beso zabalik

 Eman nayan laztan bana:

 Onen besotan jarritzen danak

 Izango du atsegiña,

 Au da Isabel Santak izandu

 Zuen zoriontasuna.

 Ongi etorri egingo digu

 Onen iturriko antzak:

 Garbitu berriz ainzirakoak

 Konzientziko zikiñak:

 Ikusirikan ama Semeren

 Biotz garbi ain laztanak,

 Oen amore santuan dira

 Sutuko gure biotzak.

 Zuek zerate, biotz. Santuak

 Doai danen iturria,

 Orretatikan edan ezkero

 Kenduko da egarria.

 Edan dezagun lagun maiteak

 Gogotik ain ur garbia,

 Ama Santaren bidez zeruan

 Irichitzeko saria.

 Baña zerura egaatzeko da

 Gauza chit premiazkoa,

 Sarriro egin otoitza eta

 Gogoratu pasioa:

 Goazen alperrik ez dediñ izan

 Donzellaen bidagoa,

 Billatutzera Jetsemaniko

 Sarjiñ ta kalbarioa.

 Eskerrak.

 Ongi etorri Guadalupera

 Donzella on ta garbia,

 Ez da aztuko zure bisitaz

 Zeruko erregin Maria:

 Orrek zuretzat irichiko du

 Beardezun ainbat grazia,

 Izan dezazun ill ondorean

 Beti betiko gloria.

 Ala izandedilla.