Goizian goizik jeiki nunduzun, ezkuntu nintzan goizian
Goizian goizik jeiki nunduzun, ezkuntu nintzan goizian;
Bai eta ere zetaz beztitu ekia jeiki zenian.
Etxek'andere zabal nunduzun eguerdi erditan,
Bai eta ere alarguntsa gazte ekia sartu zenian.
-Mus de Irigaray, ene Jaona, altxa izadazut buria,
¿Ala dolutzen ote zaizu enekila ezkuntzia?
-Ez, ez, et zitadazu dolutzen zure espusatzie,
Ez eta ere doluturen bizi nizano, maitia.
Nik banizuun maitetxo bat mundu ororen ixilik,
Mundu ororen ixilik eta Jinko jaonari ageririk;
Buket bat igorri ditadazut lili arraroz eginik,
Lili arraroz eginik eta erdia pozuaturik.
-Zazpi urtez etxeki dizut gizon ila kanberan;
Egunaz lur otzian eta gayaz bi besuen artian,
Zitru-urez ukuzten nizun astian egun batian
Astian egun batian eta ostirale goizian.