Gaztaiña jatea

 Bertsolari ta kantari ona,

 Ba'nintza -ala jainkoa!,

 Bertsotarako gai polita zan

 Igandez jazotakoa.

 Mutil ta neskak alkar artuta,

 Ura festa, Yartzakoa!!

 Bertso-berritan jarri nai nuke

 Antxen ikusitakoa.

 Gogapen txarrik ez nuke egin nai,

 Iñor ere ez salatu,

 Santu guztien egunez Altzo'n

 Gaztaiñ-pilla zan billatu.

 Mendirik mendi abitu ziran

 Gaztaiñ-peak azterkatu,

 Gutxi bilduta, pillatik lasai

 Azkenez naiko lapurtu.

 Bixki koxkorra, Xaoko Patxi

 Joxe Petrala ta abar,

 An omen ziran antolatzeko

 Yartza etxean akelar.

 Orretarako xerra ta ardo

 Soñujotzaillea bear,

 Festa alaian alkartu ziran

 Neska gazte ta mutil zar.

 Altzo'ko errian mutillak daude

 Neskak baiño ugario,

 Yartza atean ikusten ziran

 Amar-amaika nobio,

 Taxisen otsa noiz adituko

 Mendirantza ziran io,

 Auspo-soiñua jotzeko berriz

 Larri zan Joxe-Antonio.

 Gaztaiñ erreak danbolinkadak

 Erreta zauzkan zorroan,

 Xearrak berriz gatza emanda

 Noiz erreko txapondoan.

 Eramanpena bear zan eta

 Noizpait azalduko ziran

 Prailleetako plaza-erdian

 Beatzi neska "Taxisan".

 Soiñu ta irrintziz arrera eiñik

 Yartzako ate aurrean,

 Sukalderaiño sar omen ziran

 Neska ta mutil nastean.

 Ango gaztaiñak miazkatuta

 Merienda ein ostean,

 Dantzatu ziran ederki asko

 Gaba beltzitu artean.

 Intxausti-bidez Altzo-azpira

 Jetxi ziran zazpiretan,

 irrintziz ta algara baten

 Neskakin muxinkeritan.

 Jai-egun ori ezpaitzan izan

 Igarotzeko orretan,

 Obe zukean igarotzea

 Illen aldez otoiketan.

 Bulla ta algaraz ez omen dabil

 Eiztari ona mendian,

 Arretaz eta ajola andiz

 Erbiaren usaiean.

 Izan zazute, mutil gazteak.

 Andregaia billetzean,

 Algara gutxi, begia luze,

 Dirua pranko aldean.