Gabon agurra
Nik neuk banenki bertsoz aritzen,
aspaldi nintzen horretan.
Baina ez denak ez du hasterik,
bidegabekerietan.
Halare gaurkoz ezin bestean,
hasi berri naiz bertsotan,
sail hontako irakurleari nadi
diot esan hitz bitan,
heldu direla Gabonak eta,
hasi gaitezen kantetan.
Gure artean jai onik bada,
Gabonak dira lehenik.
Euskal Herrian ez bait da itzali,
familiaren zentzunik.
Egun honetan gogoan izan
etxean baitan ez denik,
hala beharrez lortu dutenak
erabat leku ilunik,
han ez bait dute intxaur
saltsarik ez aleluya saminik.
Orri honetan egingo dugu
gure asteko biltzarra,
zuk eta biok ikus dezagun
gure herriko beharra.
Inon eskutan utziez gero alferrik
da gaur negarra,
hel dizaiogun lanari prestu,
erakutsiaz giharra.
Bakarka ezik elkar loturik,
badugu aski indarra.
Errazago da hitz lauz hitzegin,
beste edozelan baino,
afariketan banator ere
oraingoan zuganaino.
Egunsentia argitzen dago,
batasun zerua laino,
gauza onik ez dugu egingo
oztopoek dirauteino.
Denon artean lortu dezagun,
hemen duzu Amatiņo.