Amona

Samaiko-Zulo (Lizardi)

 Amonatxo bat bakarra daukat

 iñoiz ez lukena il biar...

 itzaltzen, baña, bai-dakust eta

 barrenak dagidat negar...

 Antzin-Orain-arteko zubiya,

 ai, zenbatzutan zu-bidez

 egun urrunen, egun obien

 usaiya aitu dek, yoranez!

 Orri oridun idazti zarra

 zera, ta zugan billobak

 ia, zenbait ipui billatu ditun

 eztitasunez betiak!

 ¡Au neke latzak! ¿Zergatik-ete

 biyotzak dagidak negar?

 ¡Amonatxo bat bakarra daukat...,

 ene! ¡ta berak... il biar!...