"20-N"
Fito R.B.
Berriro urteurrena,
bederatzi urte
bederatzi urte.
Utzitako erentzi
guretzako kalte.
Ez baikaude oraindik
Espainik aparte,
menperatuta baizik
auskalo noiz arte!
Natorkizue hontan
ematera parte.
Data berezi hontan
faszisten tristura,
faszisten tristura,
eta gure aldetik
berriro ardura,
ezbaitugu onartzen
bizi genun hura
ezta gaurkoa ere
onar dugu gura
ea lortutzen dugun
biharko haustura!
Francoren heriotza
Euskadin algara,
Euskadin algara,
denon gogoan dago
pasatako gaba.
Lotsatik ateratzen
eta uzten ikara,
botil denak hustutzen,
irtetzen plazara...
baina Zoriontasunak
beti behar paga!
Aise ipini genuen
orduan eskela,
orduan eskela,
zetorkiguna baitzen
berriro kandela
eta egunerokoa
orduan bezala,
berdin jiratzen da gaur
lehengo karrusela,
Kaleetan poliziak,
beteta gartzela.
Esan diat nik gaurkoz
behar nian haina,
behar nian haina,
atzoko ezta gaurkoak
guri ez engaina.
Francoren gorputza duk
oroizmena baina
oraindik bere itzala
duk gaur bere Espania.
Hauxe ez ahaztutzeko
badugu adina!
Gero etorri zaigu
guri errezibo,
guri errezibo,
aise eman genion
heriotzari fido.
Nahiz eta Francok egin
hortxe erretiro
bere sagako batzu
boterera igo
eta ondorio gisa
gaur hainbat latigo.
Euskaldunen eritziz
inpernuan bego,
inpernuan bego,
Deabruak zain beza
beraren bezero.
Bere gorputz zaharkin
egon bedi bero
ona utzi baitigu
hemen errelebo,
bigunago ez baita
gaurko gartzelero.
Egia hutsa omen da
gorputzez da hila
gorputzez da hila,
eta gure aldetik
bai jarrai dadila!
nahiz eta jakin ez nik
dena zen pantaila,
zeren bera bezala
daukagu gaur pila,
lehenengo bat bakarrik,
gaur osatzen saila.
|