Fueruak
Zeruko Aita marka itzatzu
Pekatarien pausuak
Kantabriako deskalabruak
Dirade lastimosuak
Arbola eder bat dala meriyo
Jartzera nua bertsuak
Milla urtean mantendu gaitu
Lau probintza osuak
Gutxienaz esan bear da
Milla urte pasatuba
Arbola eder bat bada Gernika'n
Aitona batek sortuba
Arren azpian egin omen zan
Fueruen juramentuba
Orain argatik deitzen diogu
Arbola bedeinkatua
Biba Arbola maitagarria
Biba Kantabriatarrak
Biba Bizkaya Gpuzkoa'kin
Araba ta Naparra
Biba Kortian gure fabore
Dauden ministro bakarrak
Beste gauzarik ez degu eskatzen
Biba lengo fuero zarrak.
Arbola dago igartua ta
Euskaldunak gaude triste
Ez det pensatzen pasatu danik
Munduan beste ainbeste
Ori gertatu zitekienik
Aren ez nuben nik uste
Milla urtean segitu degu
Fueruak kendu dituzte.
Arbola maite zoragarria
Etzaude gutxi kostea
Igartuarren ateratzera
Atrebitutzen etzera
Zarra oraindik zutik dago-ta
Aldatu dute bestia
Izugarrizko furia dakar
Izanagatik gaztia.
Arbola orren printzipala
Zan Bergara'ko partian
Arri-zillarrez inguratuta
Burnizko kaja batian
Milla zortzireun irurogeita
Zortzigarren urtian
Zatorrak fuerte ibilli ziran
Ura ebaki artian.
Milla zortzireun irurogeita
Amalaugarren urtian
Izar eder bat estali zuten
Orey azuren tartian
Laņuak fuerte korritzen zuten
Ura pasatu artian
Geroztik ez da egualdi onik
Kantabria'ko partian.
Ara izarrak topatu eta
Zer egin zuten lenbizi
Fraileak eta monja bialtzen
Komentutik ziran asi
Jesuita ta misionista
Saltatu ziran igasi
Esaten zuten gu gera orain
Espaņa'ko nagusi
Konbeniyua egin zanean
Arbola aldatutasuna
Notizirikan asko badute
Asarre dago gugana.
Ez du enkargu gutxi eman da
Mundu ontatik juana
Defenditzera saya liteke
Sentimenturik daukana