¡Gudari!
E'tar J.J.
Armak artzera deitu ninduen nere erritik urrira!
Etorri nintzan burua itzuliz beti erriruntz begira!...
beti erriruntz begira!
Geroztik eztet ni jaio nintzan erri maitea ikusi!
Geroztik dabi1 alaitasuna aurpegitikan igesi!,...
aurpegitikan igesi!
Antxe bai zaizkit nere amaren laztan gozoak gelditu!
Ordutik nere anai-arreben begi maiteak itzaldu
begi maiteak itzaldu!
Antxe bai utzi Jaungoikoari nigaz eskeintzen arrenak
Biotz-biotzez maite ditudan nere lagunik onenak
nere lagunik onenak!
Orain urruti illun bizi naiz: ez ditu ikusten begiak
Euskal-erriko itxaso zabal, Euskal-erriko mendiak
Euskal-erriko mendiak.
Ez ditu ikusten sagasti, soro, basetxe, zelai ederrak
Garo, gaztañdi, ainbesteraño nik maite nitun bazterrak
nik maite nitun bazterrak.
Argatik orain illun bizi naiz; ez nau poztutzen goizian
iñoiz postutzen nindun bezela eguzkiaren argiak
eguzkiaren argiak
Ez da orain ez, illunabarran lengo dizdira izarrak
Dana samindu bai du neretzat, naigabearen indarrak
naigabearen indarrak
Zoko-El-Arbaa. 24-11-21.