Txori kantari
E.
Txori kantari ederra...
negarren nagok zoratzen,
ire soņurik ez diat eta
aspaldi untan entzuten.
Joan zaidak ene kemena:
begi-txuluak igarrak
laga zizkidak, egun ta gabaz,
egiņikako negarrak.
Ez diat ordu-liparrik
ire oroitza gaberik;
iņongo mugan etzaidak sortu
i bezelako txoriyik.
Txori kantari ederra
nere oņaza badakik:
kanta ezadak ez dek iņor-ta
doakabetsu ni baizik.
Maitea zala ta etzala,
nik urten bear erritik:
anitz urruti negar ta negar
ari nak beti geroztik!
Uakik, txori kantari,
maitetxoaren bordara,
ta ate-atian jarriko diyok
nere negarren gobara.
Aspaldi nakusk ni urtzen
kandel muturra bezala,
ta ager akiyok belarriyera.
neronek igor autala.
Ta auxe berari errayok:
i antxen aizen berala,
illa danentzat, negarren truke,
malko bat ixur dezala!
|