Iru-irurak
E.
Iru mozkorti gizon beltz,
gabeko illun-illunpez,
kalian bera eskerrez,
bazijoazen kankarrez.
Irurak oju ta parrez,
irurak besotik ertsi,
iru-Irurak karraxi.
irurak arpegiz margul,
irurak batean eztul,
irurak iji-ajaka,
irurak zanko-karranpa,
irurak gangar-garratza,
irurak asto-arrantza,
irurak bustiyak blei-blei,
geyago noski ezin lei.
O zer mokollo biribil!...
irurak alkar ezin-bill,
irurak milla ixkanbil,
irurak zintzarri-gingil,
irurak aruntz ta onuntza,
irurak txipiroi-utsa,
irurak zebiltzen plazan,
alkarri tximuka dantzan.
Orduntxe kanpai zorrotzak
azkerik kako ta orratzak,
pixtu-pixturik ardurak,
jo zitun iru irurak!...
irurak jo-ta zerraldo:
irurak gero... lo ta lo!!...
|