Guadalupe-oroitz

E.

 Irun aldeko ibar eder au

 zoragarriya bai dago...

 ageri dira Oyartzun-mendi,

 San Martzial eta geyago...

 Beste aldetik Larrun goitiya,

 Urruñe berriz berago,

 lurralde ontan lili ederren

 usaya nabaitzen nago.

 ***

 Begira an bian Endaya lirain,

 eta Bidaso ibaya,

 bere gañetik dator su ta gar

 burnibideko agaya.

 Ondarraitz dago beste aldera

 goraxo berriz zelaya,

 euskaldun aundi Abadik duen

 Jauregi berri alaya.

 ***

 Lekurik eder politenean

 Ondarrabi'ko uriya,

 gudaldiyetan zintzotasunez

 beti gogoangarriya...

 Gorde ezazu beti Zuretzat

 Ama Birjiña Mariya,

 zabal zayozu zure babesa

 Zeru-izarren argiya...