Berri-borroxta

E.

 Arbolan daude bi txori,

 mendiyan baserri txuri,

 Billbo-aldean Atxuri.

 Ote tartean elorri,

 ortziyan eguzki gorri,

 Gipuzkoan berriz Aizkorri.

 Lubakiyetan lau triku,

 erratilluan bi piku,

 itxas ertzian Mutriku.

 Oyurik: Aurren beti gu,

 aurten urak eman digu

 naiko ta naiko bixigu.

 Baso-barrenen gorosti,

 basotik irten-gerozti,

 beruntz aldean Donosti.

 Emen irartzen da ARGIA,

 asterokotxo maitia,

 Euskalerriko lilia.

 Idazle onak badira;

 bere lau orrialdira,

 pozik jartzen naiz begira.

 Urrezko ariz lerrozki,

 ¿zeñek neurtitzak orrazki?

 Arrese yayuak noski.

 Goyerriyetan goi-seme,

 guzik besotik dareme,

 ARGI'ko idazle Jeme.

 Negu erdiyan ai ene!

 elur pinpiñean Tene,

 Andatz-Mendi'yan iraune.

 Garbi'k morroyak bere gain,

 Mutillo, Segura, Zerain,

 Luzear oyetan lirain.

 Eguardi-aldiz amabi,

 idazle zintzo ara bi:

 Lugin-zale ta Anabi.

 Uli azpiyan urbatzak,

 Zemoriyako lokatzak...

 Ara joan zaigu Ikas-zak.

 Iparralde'an iparra,

 Larreko gizon azkarra,

 etzaite ainbat asarra.

 Ez dira matsondo igar,

 ez atzo, ez gaur, ez bigar,

 Loentxo, Txomin, Zubigar.

 Arriaran'en arreta...

 Euskal-sutondoz bete-ta

 dator beti Odieta.

 Oyanan axeri arro,

 kayolan sei biligarro,

 birla jokuan, txaparro.

 Itxas-aserrean, orro,

 uren gañean lozorro,

 Elurmendi'ren pottorro.