Seme maitea

Ezponda, Txomin

 1

 Seme maitea, arrazoin hori senditzen diat ba nik'e

 Aita trixte bat izana nauk ta hi egina haut halaik'e

 Hobeagoa itxaropenduz nahiz ez daiken izan merke

 Gazte haizeno orai nerekin gogoan lantu behar huke

 Hobeagoa izan hadi ba, hori eder bailitake.

 2

 Itxaropentsu bizi nindukan unie batetik bertzera

 Zer arrazoinez bi gaur etorri haizen aitaren aurrera

 Ikusten baitut aitak denbora galdu duela sobera

 Etxea eta herri hau ere hik nahi dituk atera

 Gutienetik aitak egina etzakala utz galtzera

 3

 Lanerako gu sortuak gaituk et'ari gaituk betitik

 Hik ere bertze zerbait eiteko ai beharko duk gogotik

 Aita adinez aurreratua laster joanen duk hemendik

 Halarik ere segida utziz aita joanen duk kontentik

 Nere za(ha)rreri han errateko etxea dagola xutik.