Mundu hontrara sortu nitzala
Ezkurdia, Klemente
-1-
Mundu hontara sortu nitzala
Irurogeita bedratzi urte,
Jainkoari graziak nere osasuna
oraindikan daukat fuerte.
Edozeņek ez du izaten hortan
nik daukaten suerte,
eta gustora bizi naiteke ola
bizi naizen arte.
-2-
Gaur goizian txori polit bat
kantatzen zan ari,
berari entzun da gogoaundi bat
ola sartu baizait neri.
Laguntza aundi bat egiten du
hartan gogua dunari,
bihotz guztiarekin agur bana
anai euskaldunari.
-3-
Karrerarik gabe izaten da
bertsolarien gazeta,
erakutsia ikasteko ez gerade
gauza eta,
bertsuak jartzeko agintzen
neri ari zait Izeta,
gogo hori beteko diot
ni ere euskalduna naiz eta.
-4-
Agertze bat eman nai det
bertso berrietan,
inor ez dala ikusten
gaur gure mendietan,
zenbait ibillaldi egiten det
nere zaldietan,
baņa gaur ez daiteke pasatu
lengo bideetan.
-5-
Pentsatzen jarri eta bildurra
ematen dit neri,
ikusi beharrak ote geraden
oraindik zebait komeri,
bideetan bada larra ta
arantza ugari,
baņan gazterik ezta
ardi zaintzen ageri.
-6-
Mendietan buelta asko
ematen ditu Ezkurdiak,
badaki nola diraden
horko alderdiak,
dozenaka dabiltza
azari ta basurdiak,
horien partez hobe litazke
beiak eta ardiak.
-7-
Zer pasatzen dan nik
behar det adierazi,
nik ez nuan jakingo
ez banun ikusi,
belai batzuek badira
ez pareta eta ez esi,
hoiek laster dirade
danak iratze ta sasi.
-8-
Ziudade aundietan
hasi da jolasa,
ez dala bizitzea
oso gauza erraza,
ekia ta zikiņa
gora ezin pasa,
hobea dala mendietan
dagon naturaleza.
-9-
Gazte maitiak ez aztu
gehiegi fantasi,
gurasoen ondoan
bizitzen ikasi,
baserrietatikan
bagoaz igesi,
ixtillu gorriak
behar dira ikusi.
-10-
Beste iduri bat noa
ni orai ematera,
nola bizi behar den
nork bere kontuak atera,
ez gera etorriak
hemen egotera,
zartuta pentsatzen da
beste modu batera.
-11-
Batere ez du balio
gehiegizko gosiak,
azkererako jarriko gera
danak ederki asiak,
lurra berak tapatzen ditu
beren gaņan aziak,
bide hortatik joanak dira
orandaņoko guziak.
-12-
Pake santuan bizi gaitezen
ezta gorroto beharrik,
etzagun pentsatu gurerik dela
mundu hontako lurrik,
garaia dala zuzendu zagun
egin badegu okerrik,
Jesukristoren mundura etorrera
izan ez dedin alperrik.