inprimatu
...Egin zaidazu bixita
Izenburua:
...Egin zaidazu bixita
Sinadura:
Ezeiza, Julian (Aterpe, Balantxa, Handola)
Urkizaren iruzkina:
Egilea(k):
Ezeiza, Julian

Argitalpena:
Zeruko Argia.
Urtea:
1980
Argitalpenaren urtea:
Alea:
861.zk.
Orrialdea:
28

 

 

 

 

faksimilea ikusteko


...Egin zaidazu bixita

 

Ezeiza, Julian (Aterpe)

 

 I

 

 Usurbildarrak ikusten ditut

 oso bertso zaletuak.

 Eta oraintxe asmo berriak

 omen dituzte hartuak.

 Sasoi ederra daukate denek,

 ez baitaude nekatuak,

 eta lehenbizi proba nahian

 dabiltza Hernanikuak.

 

 II

 

 Inguruetan jarriko dugu

 makinatxo bat armoni,

 baina gehiegi harrotutzea

 hemen ez zaigu komeni.

 Bertsoak hemen gustatzen zaizka

 gau herritar edozeini.

 Anai bikiak bezala dira

 Usurbil eta Hernani.

 

 III

 

 Hernanin bost edo sei lagun

 pozikan bilduko gera,

 une goxo bat igarotzeko

 izaten dugun aukera.

 Bertsoen faltaz Euskal Herria

 gaurkoz ez doa behera,

 ea guk elkar probatzeko, ba,

 noiz izaten dugun era.

 

 IV

 

 Bertsolariak entzun behar du

 hainbat gezur eta egi,

 hortik denetik Txirrita zaharrak

 bazekien bai ederki.

 Eta Usurbilgo semeak ziren

 Gaztelu ta Udarregi...

 Haien atzetik, zuek gazteok,

 ahal duzuen arte segi.

 

 V

 

 Herri horretxek beti izan du

 bertsolariaren sena,

 hamaika bider gizon haietaz

 ni oroitzen naiz maizena.

 Gazte ugari ikusten ditut

 oso indartsu daudena,

 Euskal Herrian ez da ahaztuko,

 Usurbil, zure izena.

 

 VI

 

 Txoko honetan beti izan da

 jende on eta mardula.

 Hernani ere jan-edanean

 sekulan ez da ahula.

 Herri honetan fama dutenak

 Txuleta eta Angula.

 Biltzen bagara, hortik nahiko

 guk jan beharko dugula.

 

 VII

 

 Lehengo igandez zuk, gazte horrek,

 niri egin desapioa,

 ikusiko da herri honetan

 non dagoen balioa.

 Gure gazteak urte hauetan

 daude goraino igoak,

 badaukagu, bai, hernaniarrok

 probaketako gogoa.

 

 VIII

 

 Ikusten dugu gure lurrean

 hainbeste ezin-eraman.

 Denen gustoa hemen egiten

 badugu makina bat lan.

 Hernanik gure Usurbilekin

 dauka milaka harreman...

 Gizona hemen, probatu arte,

 ez da jakiten zenbat dan.

 

 IX

 

 Nik gazte horri erantzun nizun,

 gaur zuk ez eman latikan.

 Nik ondo dakit gazte askotxo

 bilduko dela hortikan.

 Ni Hernanitik, lagunarekin,

 hor naukazue pozikan:

 Usurbildarrek ez dute izango

 erantzunaren faltikan.

 

 X

 

 Anai bezala jokatu behar

 dugu, bai, guk gizartean,

 eta, hauzoak nola izanak

 garen hainbeste urtean,

 zuen Herrira joango gara

 patxada eder batean.

 Ta borondatez joka dezagun

 gure Euskalerri maitean.

 

 XI

 

 Herri horrekin gizatasunez

 behar baitugu elkartu,

 hontaz aurrera hemen gehiago

 ezingo gara nekatu.

 Ea haruntza gu joatean

 eiten zareten portatu.

 Gaizki esanik baldin badago,

 behar duzue barkatu.

 


inprimatu