Ardoak sudurrari
Ezeiza Landa, Julian
Ardoaren kalteak
noa esatea,
gizona hondatzeko
egina ote da,
batzutan mesede da
bestetan kaltea,
asko edan baino lehen
kontuak atea.
Sudurra beltzgorria
askok dadukate,
egunero dabiltza
ase eta bete,
izardirik ez dute
ateratzen bate,
gorputzarentzat hori
izaten da kalte.
Jende askok gogoko
omen du zurruta,
gehienetan tabernan
barrena sartuta,
berdin ardoa edo
wiski ta vermuta,
horrexengaitik daude
alkolizatuta.
Sudar gorriak dauka
ugari alkola,
ezin senda daiteke
gizona inola,
aho zulotik dago
kea dariola,
graduz berotu arte
barruko odola.
Ardoa ezin utzi
goizetik gauera,
zurruta egiteko
badauka aukera,
gizona eskasago
urtetik urtera
sudurrak ezagun du
zer izan den bera.
Neguko denborekin
eztul eta muki
ardoaren sustrai
bistan daramaki,
emazteak sufritu
behar du galanki
taberna non dagoen
sudurrak badaki.
Gero izpirituak
sudurra igurtzi,
indartsuak sarritan
kokilduta utzi,
askotan gorputzari
ezin zutik eutsi,
ardoa gizonaren
jaun eta nagusi.
Horra hor este gabe
ardoa gailendu,
inor etorriko zai
barrikan egondu,
plakiyan dagonari
momentuz lagundu
indarra eman baino
gerora kentzen du.
Gure zaharrak gustora
edan zuten ara,
ardoaren eran ez zen
igotzen burura,
ondo begiratuta
sudurren itxura,
estimatzeko bait zen
edari on hura.
Hamargarrenarekin
bertso saila osa,
nahi bada ardoakin
edan eta goza,
gorritu ta kakotu
ere sudar motza,
tabernako zulotik
zer nolako poza.
|