Yeseren aldaska
Euskelzale
Et egredietur virga de radice Yesse
et flos de radice eius ascendet. Ss. I-11.
Yesseren sustraitik aldaska bat
sortuko da ta bere zaņetik lore bat igoko da.
Jaungoikoaren altzoan
Lore bat jaiotzen da
Naroa;
Egiaren argiak
Dagi bere izate
Osoa.
Zeruko eguzkia
Ludiren irudia (1)
Bera da;
Antzikur ortan dager
Jaungoikoak dakina
Ta dana.
Lore ori Goikoak
Ludian nai izan zuan
Landatu;
Ta bere autza argia (2)
Gizonen biotzetan
Txertatu.
Baratz bat billa naian
Ibilli zan arduraz
Beterik;
Gizaldean ordea
Etzan orban gabeko
Baratzik.
Gogo Deuna zebillen
Egaz ludi gaņean
Poliki;
Nazaretean zugatz bat
Loretu naiez zuan
Ikusi.
Unen muskill garbian
Oe guri gurian
Bezela;
Zetzan Gogo Donea
Senar kuttun-kuttunan
Antzera.
Asnasez garbituta
Berotu zuan laxter
Sortzeko;
Bereala lili bat
Goiko intzez dizdiraka
Zan jaio.
Jaungoikoaren altzoko
Lili guziz garbia
Bera da;
Neskutz-zugatz-garbian
Txertaturik aragi
Egin da.
