Txomin hil dela dio zakurrak
Euskal Preso Politiko batek
I
Berriro odol eta etsipena
datozkigu bihotzera,
Euskal Herriko abertzaleak
jaso beharrez minbera:
abertzale ta gizon zintzoa
iraultzailea gainera,
joan ote zaigu bildu zitunak
euskal indarrak batera?
Txomin hil dela dio zakurrak
ta geuk diogu bai, zera!
II
Txomin hil dela sinistaraziz
hor hemen dabil zakurra,
bere indar ta zuzentasunaz
besterik ez du: bildurra!
"hil" da gero-re hark Herriari
gogortzen dio hezurrak
ondo erakutsia bait dauka
zer den egi ta gezurra
bizi dagon gizonari ezin
zaio eman azken aurrera.
III
Hil ezin dena zutikan dirau
Lehen, orain eta gero
bere kabia abertzalean
bihotzetan dauka, bero;
beste kabiak hara zein diren
hau ez inoiz ahaztu gero!
harkaitza, baso, zelaia, haize,
mendi, itsaso ta soro,
hor bizi da santa sekulako
Txomin Iturbe Abasolo.
IV
Bost atentatu jasoak dittu
irriparra galdu gabe
borroka armatuan dabiltzanek
arrisku hori daukate;
gogorki Herriarentzat, behar
bada dena eman arte
saririk ez du inoiz eskatu
ezta "silloirikan" bat-e
"Vascongadillok" zerbait ikasi
beharrezkoa badute.
V
"Vascongadillok" damutu nahirik
Euskadi nola ote saldu,
zitalkeri ta maltzurkeriak
ederki dute azaldu;
hi hor ibili hinduen ea
ote hintzaden damutu
traidoren nahia hori zen edo
bestela hobe akatu
jakin bezate Euskal Herriak
ezin duela barkatu.
VI
Alkala, Togo, Herrera, Cuba
Panama ta Ocaņakin
Huesca, Almeria, Ecuador, Langraitz
Cavo Verde Darocakin;
San Tome, errefuxiatuak .
ta Carabanchel hirekin
hire gogoa beti izango duk
bai herri osoarekin
indarra batuz Euskal Herria
askatzeko elkarrekin.
VII
Denok batera berpizturikan
euskara behin da betiko
behin da betiko zazpi probintzik
elkartzera iritsiko;
langileriak helburuak lortu
artean ez dik irikiko,
behin da betiko denok pakean
bizi ahal izateko
Euskal Herriak munduan ate
berri bat dik irikiko.
VIII
Adizak Txomin, hemen daduzkak
gure asmo ta indarrak,
ondo dakik hik mundu honetan
ez gaittukela bakarrak
gogor ari dittuk emakume
gizon, gazte ta zaharrak
hemendik aurrera begira ezak
gure eztarri pizkorrak
zer dioten "Aurrera bolie"
ta gora gu ta gutarrak.