Gernika
Etxezaharreta, Lucien
1
Mila bederatzi ehun eta hogoi ta hamazazpia
Astelehena. Jorrailaren hogoi ta seia.
Olerkari banintz,
suz eta odolez apaindurik,
nigarrez bustirik,
2
Gernika aipa nezake...
arrotz hiltzaleak aipa nezazke...
Zerutik burdinezko uhainak
haurrak lasterka...
zerutik suzko uhainak,
haurrak garrazika...
3
Azken oihu bat bota eta... begiak harrituak,
etzanik, ikatztuak
Bi mila...
4
Bi mila, eta, amak nigarrez...
Garren erdian,
bakarra xutik,
ixilik,
Arbola...
5
Gernikako odola,
Azkatasunaren odola,
gure odola...
|