Eneko Aritza'ri
Etxezarreta, Lucien
1
Eneko,
bazinaki nola den Herria,
gaur,
zure semek, ukatzen zaituzte,
husten dira etxeak, edo,
arrotzez betetzen...
2
Eneko,
zuk azkartu arraza,
gaur,
herrestan, gakoturik daukate.
Eskual odola,
nagusien laudan...
3
Eneko,
Orreagan, jakin bazinu,
gaur,
zure semek zer eginen zuten
galduko zinuen...
Bainan,
4
Eneko,
irabazi duzu,
adar etsaia ixildu duzu...
gaur,
5
Eneko,
ez zaitugu ukatu nahi,
gaur,
6
Eneko,
nahi dugu etxean nagusi.
Gaur,
7
Eneko,
badakigu,
Herria dela atzarriko,
piztuko,
xutituko,
8
Eneko,
zuk egin zinuen bezala,
etsaia dugu suntsituko,
eta berriz,
Euzkadi altxatuko!
|