Ezinezkoa degu galtzea
Etxeberria, Patxi
Ezinezkoa degu galtzea
oitura zoragarria,
ta berriz ere dariola da
Patxi honen iturria,
lendabiziko artu zazute
nere ongietorria,
aurrera ere serbitu nai det
ni maite nauen Erriq.
Ez dakit nola iritsi naizen
omenaldi au artzea,
baiņa gogoan izango det nik
gaurko eguna zaartzea,
eta nai nuke nere biotza
zure eskutan jartzea
ta emen egin dedan zorra au
bertsoakin ordaintzea.
Gaisoak eta aiton amonak
etorri ezinik badaude,
merezi duten arrazoietan
eraman nai nuke aude,
baldin Patxiren eskerrarentzat
beren txokoan baleude
biotz biotzez eskertzen ditut
dana barkatuta daude.
Lendabiziko erregaloa
Donostiako Udala,
or ikusi det nere irudi bat
bere eskutan duala,
zeņek sinistu neretzat orrek
zerbait izango zuala,
nundik nekien nik orrenbeste
sari merezi nuala.
Beste bat ere badegu emen
gure turismo etxea,
urterik urte iristen dana
bertsolariei launtzea,
orain artean bezela jarrai
zintzo zintzo zu atzea,
besterik ezer ez daukat eta
nai nizuke eskertzea.
Biotza dago jolasean da
begiak ai malkoz bete,
emen daudenak "zer ari da oi"
orain esango digute,
baina ez dakit nola eskertu
eta ez dakit zenbait maite,
anai-arreba biotzekoak
txoragarriak zerate.
Aitatugabe ezin utzi nik,
ez, bertsolari lagunak,
esker beroa merezi bait du
oinbeste lan egin dunak,
neregandikan esker beroak,
neregandik zorionak,
ta zuen morroi pasako ditut
gelditzen diran egunak.
Nik pentsatzen det ez ote nuan,
malla aundi au merezi,
baņa alaere pozik artu det
zeuk zeundeten berezi,
bazkaldotzeko ordua da-ta
goazen emendik iesi
eskerrik asko anai-arrebak
agur eta ondo bizi.