Ama Birjiņa
Etxeberria, Jose I.
-I-
Bertso berriak ateratzeko
noizbait egiņik amesa.
San Inazio joan zalako
Arantzazutik Mandresa,
Birjiņagandik antxe izan zun
Gogo Jardunen sorpresa.
Pekatariok artu dezagun
zeru bidean arnasa.
Orregatikan joaten dira
peregrinuak Lurdesa.
-II-
Seme Jainkoak nai izan zuan
Zu zerutikan jestia,
aitz arte ortan gelditurikan
bakarrik zeunden tristia.
Entzuten danez Benardita zan
lenen izana bixtia.
Zure aurrean auspezturikan
biotz oneko guztia.
Beartsu danak iritxi dezake
komeni zaion guztia.
-III-
Urte barruan epoka batzuk
jarri baditu elizak,
mezi dunari ondra ematen
egin ditzagun otoitzak,
gure animak galdu ez ditzan
diabruaren ekaitzak.
Orretarako Jaungoikoari
egin bezkagu eskeintzak,
beti beretzat izan ditezen
mingaiņak eta biotzak.
-IV-
Ama Birjiņa alabatzeko
maitzeko illan gaudenen,
edertasunen ispillua ta
argitasunen zoramen.
Jainko graziaren sortzaille eta
zeruetako goramen,
pekatu gabe munduratua,
fede santuen aitormen,
zeruko aingeruz koronatua,
danen gaindikan nabarmen.
-V-
Zeruetako erregin zera,
mundu onetan bizia.
Sortu unetik agurtu zendun
Jaungoikoaren grazia,
umildadezko maitetasunez
zeruko Aitari josia,
txikitandikan bakardadean
guraso gabe azia.
Salbadorearen ama izatearren
gertatu zan au guztia.
-VI-
Andre guztien gaindikan zera
birjiņa bedeinkatua,
gizadi danak izan zaitzagun
biotzetik maitatua.
Bere semearen ama izatearren
Jaungoikoak aukeratua,
ikusirikan edertasun da
birtutez adornatua,
zu zeralako barkatzen zaigu
jatorrizko pekatua.
-VII-
Jainkoa bera gizon eitia
bearrezko zan artako.
Neskatx garbi bat naikoa bazan,
aunditasuna zertako?
Probatu intzan belaunikatuz
ote indukan gurtuko.
Ura Jainkoa izango zanik
etziala iņork sartuko.
Beti kiskaltzen egonagatik
sekulan ez aiz urtuko.
-VIII-
Etsaiak Eba engaņaturik
artu zun bere mendeko,
pentsaturik jatorri ura
etzala geio onduko.
Aleginean saiatu intzan
Jainkoa nundik minduko.
Uste izanik egille orrek
etzula geio ainduko.
Ire usteak alperrik dituk
gizona ez dek gainduko
-IX-
Jainkoak berak esandakoa
izan gogoan artua:
emakume bat izango zala
pekatu gabe sortua.
Aren oin azpin deskuidatuta
burua daukak lertua.
Aren almena zenbataņo zan
ez engon ondo neurtua.
Orregatikan izandu intzan
inpernuetara sartua.
-X-
Bataiotikan garbitzen baita
pekatuaren mantxatik.
Eure lekura irten adilla
Jaungoikoaren etxetik.
Pentsakizuna luzea daukat
esplikazio motxetik:
kontrako lora irten zitzaikan
arbola orren txotxetik.
Uste guzirik ez dek egingo
surtan agon kabixetik.
-XI-
Denen gaiņetik maitatu bear da
gure Jaungoiko maitea.
Beraren kontra altxatu intzan
diabru amorruz betea.
Orregatikan erantsi iokan
Ebari eure katea,
an trabatuta eragoztearren
zeruetara joatea,
beti betiko itxia zedin
an sarrerako atea.
-XII-
Jaungoikoari gorroto diok,
nik beste ainbeste iretzat.
Engaņioa besterik ez dek
sekulan izan guretzat.
Jaungoikoari oker zaiona
agertu nai dek zuzentzat.
Azken gabeko surrimentuak
nai adimen motzentzat,
libertadeko ate zabalak
artutzeko itxitzat.
-XIII-
Lurdesko Ama, bedeinkatua,
badegu zure bearra.
Arkaizpetikan irteten zaigu
ur biurturik negarra.
Alkar maitatzen ikas dezagun
eman zaiguzu indarra.
Mundu guzian aplaka dedin
gorrotoaren sugarra.
danen gaindikan maita dezagun,
gure Jaungoiko bakarra.