Eusko nekazariei
Etxeberria
Barka zaidazu oraingoz
ARGIA-n zuzendariya,
aundi samarra izanagatik
nere ausardikeriya.
Baldartasunez mintzatzen naizen
alako bertsolariya
naizelarikan luzatu nai det
len asitako ariya;
orretarako Jauna'k deiala
bere esker ugariya.
Lengo bidean berritu nairik
nekazarien bizitza,
dala ta egiņ nai ditut iru-
lau bertso edo neurtitza.
Bata bestea eziņ ikusi,
berez datorkigun gaitza,
sendatu gabe txarki gaudela
jakintsu askoi deritza;
orretarako elkartu bear
alper alperrik gabiltza.
Nekazarien alkartasuna,
juan diran iru urtian,
gauzak zuzendu eziņik dabil
lan edo neke betean;
ta nekazari asko, oraindik,
beren buruen kaltean,
arkitzen dira bildu nai ezik
senideakin batean:
nai aņa indar guk ezin izan
guztiyok batu artean.
Gauza egoki eta ederrak
du aurreratu eziņa
ta garbiyaren ondoan oso
itxusiya da zikiņa;
bat jo bear da ona jotzea
ez dago ondo egiņa,
bide txarretik nai duten batzuk,
badauke ordea griņa,
oyek guztiyak bukatu ziran
danok batuko bagiņa.
Batzuek ala mintzatzen dira:
"Nekazariyak bat egiņ
ta arrazoirik eramatea
uste aldute noizik beiņ?
Urte gutxira galdu baietz
egingo nizuteke ziņ".
Nekazariyak ze ote gaude,
ain motz oik diyuen bezin?
Besterik ez da emen ikusten
gure ona eraman ezin.
Etxe jabeak alkarturikan
daudela, badakigu ori,
albaiteruak ezdaukatenik
entzun aldiyogu iņoi?
Ta beste asko orrela daude
bat egiņik be eta goi,
aurrerantzean nun da ezdegun
bizi nai besteren morroi
aldan ondona alkartutzea
guk ez aldegu arrazoi?