Eusko nekazariak
Etxeberria
Nekazariak batu ezkero
asko egin dezakela
uste degunok ez neri esan
iritziz oker gaudela
aberats zale geiegizkoei
zeņek burutu bestela
gauz asko utzi besteren mende
nai dana egin dezatela
ez sayatuko bagiņa Oiaztzun
da Errenteriyan bezela.
Basarritarrak lagun talde bat
bildurik Errenteriyan
beren txekorrak il da saltzeko
daukaten arategiyan
egin dituzten aurrerapenak
daude oso agiriyan
ori dala ta batzuek oraiņ
ez lengo arrokeriyan
umildurikan daude txokuan
negarrez asi zoriyan.
Oiartzuarrak ere ez daude
oso nagi edo lotan
seme argiyak jayotzen ibar,
egi ta erreka zokotan.
Ardo ta pertsu beste gauz asko
dauden sindikato ortan
eder dirudi nekazariak
bildu diralako sortan
aridanean ez omen daude
atzera egitekotan.
Karatz gordiņa suaren bidez
nola biurtzen dan kare
nekazariyak buru beratzen
askotxo ari dirade
maitasunezko sua ordea
batere gorroto gabe
arategiya lenengo jarri
zuten da orain dotore
ikasbide bat ederra eman
digute Zarautz'en ere.
Nekazariyak alkartzeakin
etzaitezte ba arritu
bein asitako bidean orain
badaki nola jarraitu
gure etsairik nabarmenenak
egiņalean garaitu
Amasa'koak zer ari diran
ez aldezute aditu?
Alkartasunak gauza asko ta
ederrak egiten ditu.
Aurrera dauden erri batzuek
aitatu ditut izenez
amaikatxo lan egin baidute
ezagueraz eta legez
azi gutxitik landare asko
artzea ez da aiņ errez
are gutxigo lurrak gozatzen
alegintzeko bagaudez
irakurleak orain ikusi
ekin bear dan edo ez.
Andoain'dik
