inprimatu
Esker onekuarena
Izenburua:
Esker onekuarena
Sinadura:
Etxeberria Tolosa, P. (Abalegi'ko, Ibiltari)
Urkizaren iruzkina:
Egilea(k):
Etxeberria, Patxi

Argitalpena:
Karmel.
Urtea:
1959
Argitalpenaren urtea:
9
Alea:
3.zk.
Orrialdea:
13

 

 

 

 

faksimilea ikusteko


Esker onekuarena

 

Etxeberria

 

 Gogoz nai neuke lasai egaztu

 Gorengo zeruan zear,

 Kantu eder bat ots egiņikan

 Nere orduak lain bidar.

 

 Nik baiņa izketa ugarienak

 Naiko ez ditut lanian;

 Nola bada al dut, naizen errena,

 Ezer euskera zorrian?

 

 Ala guztiz be, zurekin batez,

 Eibar'ko izketa laburra,

 Saiatu bear ezin geiagoz

 Jasotzen Zeru Ta Lurra.

 

 Zeruan degu Jainko aundia,

 Sei egunean dan-dana

 Goi eta Bea ezerezetik

 Al utsez sortu zuana.

 

 Gauzaren batzuk guztiz agiri,

 Ta beste batzuk ezkutu;

 Arek erakuts zigun argiro

 Nola ta nola dan mundu.

 

 Lur zabalean olde-jakitez

 Dirdir dagigu gizonak:

 Bere irudira eratu zuen

 Aldi-asieran Jaunak.

 

 Eskerrak Zuri, ludi-egille,

 Lenen argia gatikan;

 Illuna oro jarri zenuan

 Eguerdi lez argitan.

 

 Euzkia gatik eskerrak gero,

 Gure Jaungoiko aundia,

 Gozo ta bero diguzu jartzen

 Mundu au degun etxia.

 

 Zuri bai esker bizi ta gartsu

 Menderen mende orotan;

 Zu bait-zaitugu Aita ongille

 Gure bizitza onetan.

 

 Zuk bai diguzu eldutzen oro

 Solo-sailletan ereiņa,

 Baita ganbarak betetzen alez

 Danok bear degun aiņa.

 

 Zuk gau illunez, guztiz onbera,

 Eman t'era oi diguzu

 Aterpe, oe, seaska guri,

 Lo eder dezagun leku.

 

 Ames ederrez jartzen diguzu

 Zortzi orduko lo-lua,

 Gain-estal ordez deuskula zabal

 Zeru-goi izarratua.

 

 Eskerrak Zuri itxas ta legor,

 Bakoitzak bere neurrian:

 Arkaitz gogorrak jarri diguzu

 Etsai bi auen artian.

 

 Eskerrak baita mendi ta baso,

 Aitz gorri, txara, zugazti,

 Oian ta malkar, aran ta muņo,

 Ta onetan diran pisti.

 

 Zer guzti auek beiņola zigun

 Gure onean egiņak;

 Lor-neke ugari emanagatik,

 Ainbat ordez atsegiņak.

 

 Eskerrak edur ta udako bero,

 Ipar nai ego aseak;

 Gabonetako egun laburrak,

 Noiz bagilleko luzeak.

 

 Zazpi Zeruen tresna altzoan

 Zuk lasai dagizu arnas:

 Gure eun urtezko ekiņa

 Zuretzat ezerez arras.

 

 Arto ta gari, gure jateko,

 Zuk esku-zabal emana:

 Lurrean degu bizi bearra,

 Gero zuk sari zoruna.

 

 Azkenez, oi Jaun!, millaka esker,

 Onera eldu ezkeroz;

 Indar bereziz bait-nozu jantzi,

 Amesti galant dan gogoz.

 

 Baiņa munduko neke artean,

 Estuasun gorrietan,

 Zer gintzakez gu, errukarriok,

 Bizi ezik amesetan?

 


inprimatu