Iratxoa

Etxebarria, [P.]

 I

 Martin Bañez il zala,

 Emazteak iakin:

 Iradu biotzean,

 Suaz zun iarakin.

 Aramaio erreko,

 Ango lagunekin,

 Asperturik naukate

 luzaro aspaldin.

 II

 Aiek ziran garaiak!!!

 Oñatz ta Gamboa

 Elkarrekin zutela

 Aurrez iratxoa.

 Batek bestearentzat

 Erruz biraoa..

 Bein bukatu orduko,

 Berriz erasoa

 III

 Ortzea gogaituta,

 Maitasun apur ez

 Etsaitzakoa bete

 Geiegizko iraiñez

 Iri eta sendiak,

 Oiñazez, odolez..

 Iñortxo etzebillen

 Ordun errimiñez

 IV

 Norbaiten esan zuriz,

 zuten galdu buru:

 Luzatu neurriz gora,

 Euskotarren gudu;

 Beiñola eusko-mendi

 Beti gendun urtsu...

 Itturritako mama

 Bertantxe zan utsu.

 V

 Lanerako betik ez,

 Uzta beti txarra

 Aurtxo ttikiak malkoz

 Seaskan negarra.

 Bakarrik galtxagorrik

 Seaskan negarra.

 Itsasoak, gogorra,

 Uraren aparra.

 VI

 Goigoiko zeruetan

 Errukitu Ama:

 Zuen arin zabaldu

 Guretzat magala.

 Baltzategi'n bazuten

 Mutilla mazala...

 Laister erakutsiko

 zertan kendu zama.