Zeruko ikastola

Echaniz, Nemesio

 Ostegun Santuz ikasi gendun

 Jauna, guk zure ikastola

 «Au da -entzunaz- nere Gorputza;

 au, berriz, nere Odola».

 Arrazkero da jarria gure

 aldaretan zure Etxola.

 Ta emen ari gera oiuka

 gizarte nekatuari:

 «Atozte gure elizetara.

 Emen dezue Janari».

 Elizak ala ere utsik daude,

 eta milloika goseti,

 janari gabe iltzen zaizkigu

 entzungor egiñaz guri.

 Noiz ikasiko degu kristauok

 osorik zure bidea,

 animak zeruko ogiz asetzen

 asi baiño len, gosea

 gorputzetatik kentzen degula,

 jarraituz zure legea?

 Ala jokatu bai-zendun, jauna,

 Ostegun Santa gau artan

 animak zure Gorputz-Odolez

 ase baiño len, ta bertan,

 zure ikasleen soiñak aseaz

 aurrez pazku-aparitan.