Ur ertzeko lorea

Amilaitz

 1

 Ibai ertzeko belar artean

 ezetasunez ernea,

 udaberriko goiz ederrean

 jaio zan nere lorea. (bis)

 2

 Inguru ziran belar gazteak

 (aize epeletan igari)

 arrera ona egin zioten

 beren aizpa berriari. (bis)

 3

 "Ur ispilluan-loreak zion-

 nere ederra ikus dezaket:

 orregatikan nere biotza

 ibai ertz ontan lotu det". (bis)

 4

 -¡Ai, ur ertzeko nere lorea,

 etzazu maite ibairik:

 ugolde batek joko ba-zindu

 etzenuke zelai-jairik. (bis)

 5

 "Eguzkiaren laztan beroa

 emen artzen det gozoro,

 aren argitik bizi berria

 xurgatuaz egunoro".

 6

 -Ai, ur ertzeko nere lorea,

 etzazu maite eguzkirik:

 aren su-galdak joko ba-zindu,

 etzenuke or bizirik.

 7

 Biaramonez lore gaxoa,

 eguzkiak kixkaldua,

 ujola batek lokatzapean

 utzi zuan lardastua.