Txakur baten komeriak
Etxaniz, Nemesio
Donostia'n ba-det nik
sendi bat ezagun
etxeko danak ditut
oso nere lagun;
aien berriak ongi
zabaldu ditzagun,
bosgarren bizitzara
gaur igo dizagun.
Or degu lenbiziko
"Ama Biotz-bera",
ura irtengo bai-zaigu
aurrena atera;
ille-kiribillotan
"enplame" -illera
ikusiko diozu
goiz juaten ba-zera.
"Aita Martiri" dezu
etxeko burua,
aste osoa dauka
kanpoan lotua
etxetik kanpo bai-du
bere lan-lekua;
jairako orrgi zaitzen du
etxerako ordua.
Nagusiena, alaba
dator pinpiriņa
urteak ezkutatzen
ederki dakiņa;
"Mari Puntta" diagu
jarri izen piņa,
mototx bat, aur itxuran,
du beti egiņa.
Seme zarrena, apaiz
dute Aragoian;
"Mutil Zarra" du izena
senide artian.
"Bat" izendun txakur bat
du aldamenian,
oso gaizki oitua
kutizi guzian.
Irugarrena dator
seme gazteena,
soldauzkan bere illea
moztu ziotena;
Ama Biotz-berak, bai,
orduantxe pena!
Argatik "Kazka-Motz" du
bere gaitzizena.
Ta orain datoz gure
istillu gorriak,
seme-apaiza-bide
emen ikusiak.
"Mutil-Zarra"k zer egin?
Mutilzarkeriak!
Txakurra artu ta an datoz
Donosti'ra biak.
Mendian bizitzeko
"Bat" oso ona zan,
baņa Donosti'rako
ikasia etzan.
Nola euki txakurra
bosgarren bizitzan?
Kanpora atera bear,
anka jaso zezan.
Alaba pinpiriņak
darama kalera;
txakurra, irten orduko,
gurpillen aurrera.
Nexkak jo du garraxi:
"Bat" ator onera!"
Donosti'ko guziok
izutuak gera.
Buen Pastor'ko arkupe
barruan urrengo,
seņorito piņ baten
ondoan du txango,
Aize-alditxo batek
gogor eman dio;
orietakoak aixa
txukundu dizkio.
Donosti'ko apaizen
ondoren saltaka,
nausia billa-ustean
dijoa usaika.
Nork gelditu zoro au
katetik tiraka?
Esku biak nexkari
etenduak utzi dizka.
Mari-Punttak ez daki
nora begiratu;
kolore danak zaizko
arpegira batu.
Txakurrak zenbat aldiz
anka du goratu?
Alkateak aņa du
kaletan firmatu.
Mari-Puntta sartu da
etxera asarre;
"Egin dezaiotela
beste bati parre".
Txakurrarekin ez nik
geiago batzarre;
Aragoi'n billa beza
beretzako larre."
Ala dituzu asko
kristauen artean,
beti oker jokatzen
Jaunaren Legean.
Ezpaidakite ibiltzen
kristauki, lurrean,
txakurren sala dure
inpernu-leizean.
|