Gripeari

Etxaluze

 -I-

 Griperi nai nioke

 bertso batzuk bota,

 gaitz txar onek nerekin

 artu duen seta;

 egun gutxitan utzi

 ni erabat jota,

 nere baimenik gabe

 indarrak salduta.

 -II-

 Otz ikara da zure

 lenengo abisua,

 gero gorputz guziak

 artutzen du sua;

 berdin da gazte, aurtxo

 edo gurasua,

 antz ematen erreza

 da zure gaixua.

 -III-

 Gripe onek eman dit

 paliza galanta,

 kallentura nabille

 ni ezin lagata;

 egun gutxian au da

 gizonaren planta,

 anka luzatzekore

 ez det asko falta.

 -IV-

 Len pozik zebillena

 tristetu ta auldu,

 apetitu guziak

 zure kulpaz galdu;

 etxetik ezin zaitut

 iñola bialdu,

 kosta prezioetan

 nai zinduzket saldu.

 -V-

 Miñik gabe ematen

 dakizu zigorra,

 gorputzari emanaz

 paliza gogorra;

 txurikerian etxera

 datorren lapurra,

 luzaro eukitzeko

 apopillo txarra.

 -VI-

 Ez naiz bela aztuko

 aurtengo apirillez,

 bapo osatua naiz

 bizarrez ta illez;

 larri ibilli arren

 oraindikan il ez,

 indartzen asiko naiz

 ollo zarrak illez.

 -VII-

 Zein den galdez etzera

 zu aurrez ibiltzen,

 sasoi ederrekoak

 dakizu umiltzen;

 saiatzen zera nunbait

 gorputza miatzen,

 badakizu lekurik

 aulenak billatzen.

 -VIII-

 Utzi dizkit eztula

 eta katarrua,

 nerea ez da izan

 gauz orren errua;

 pastilletan artuak

 ia lau arrua,

 alero kanpora'ña

 egin dit barrua.

 -IX-

 Baste bat jarduten zait

 banderillak jartzen,

 ipurmasaillan ez det

 atsegiñik artzen;

 alare gaitza ez digu

 oso manderetzen,

 ez ote gora asiko

 gripe toriatzen?

 -X-

 Oitik atera gabe

 egin det astea,

 noizpait pentsatu nuen

 jeikitzen astea;

 pausaje mantsoa ta

 begije tristea,

 kosta zitzaidan berriz

 oñez ikastea.

 -XI-

 Lengo indarrarekin

 ez negoen pio,

 aspaldian ez dira

 nik nai ainbat io;

 bitaminak artutzen

 ari naiz propio,

 Endañetari bota

 nairik desapio.

 -XII-

 Arri zarrakin ez naiz

 gaizki baliatzen,

 eserita gañean

 egon deskantsatzen;

 Endañetakin ez naiz

 batere piatzen,

 jokatuko nioke

 mantso ibillitzen.