Etchepare, Jean
Zoriona
1
Gau ilunari
zerua izarretan da.
Itzalpetan gaindi
eskuz-esku dabiltzan
maiteri
xoriño bat bada
bihotzetik bihotzera
kantari.
2
Xoragarri
bihotzaren eleak
maiteari.
Ez du goxoagorik
bizi guziak
ametsetan baizik.
3
Munduko solas ederrenak
maiten bihotzetan dagotzi
betidanik
ehortzirik
maiteak maiteari erranak.
4
Maitek bakarrik dakite
gordatzen
gizon samurren begietarik
ixil ixila
zoriona.
5
Itsasoa kexu
ta zerua ilun
maiteak uros iganen dira
beti
maiten bihotzetan baita
zoriona.
|